प्रेरणादायी विचार | motivational thoughts in Marathi

upkarmarathi.com

प्रेरणादायी विचार

नेहमी समोर दिसणारे सत्य असेल असे नाही बर्‍याचदा सत्य जाणून घ्यावे लागते.
विश्वास आणि भ्रम यात खूपच पुसटसा फरक आहे.
जेव्हा ज्ञान दाखवण्यासाठी शब्द अपुरे पडू लागतात तेव्हा उदाहरण देणे अनिवार्य होऊन जाते .उदाहरणाने बऱ्याचदा शब्दांनी व्यक्त न होणाऱ्या गोष्टीही व्यक्त होऊन जातात.
आपल्या ज्ञानाचा गर्व असणं हेच अज्ञानाचं सर्वप्रथम लक्षण आहे. बऱ्याच ज्ञानी लोकांना आपले अज्ञान समजत नाही .
काठोकाठ भरलेल्या भांड्यात अजून नवीन पदार्थ सामावू शकत नाही. त्याप्रमाणेच ज्ञानाच्या गर्वाने भरलेल्या माणसाला नवीन ज्ञान मिळवता येत नाही. आधी रिकामे व्हा मगच काहीतरी आत भरता येईल.
आधी स्वतःला गाडून घ्यावे लागते मगच सर्व ताकदीनिशी उधळून देता येतं.
छोट्या छोट्या गोष्टींमध्ये खूप मोठी ताकद सामावलेली असते फक्त आपल्याला ती ओळखावी लागते.
विशाल वटवृक्ष बघून आपले डोळे विस्फारित व मन अचंबित होतात परंतु त्या वटवृक्षाचे बीज अगदी सूक्ष्म असते, अगदी याच पद्धतीने एखाद्या मोठ्या संकटाचे बीज अगदी छोट्या गोष्टींमध्ये ही असू शकते. त्यामुळेच कोणतेही काम करतांना छोट्या-छोट्या गोष्टीकडे काटेकोरपणे लक्ष देणे गरजेचे आहे.
ज्या वेळी एखादे बीज जमिनीत पडते त्यावेळी त्याचे तोंड कोणत्याही दिशेला असले तरी त्याचा कोंब जमिनीच्या वरच्या दिशेने वाढतो. तसेच जिद्दीने पेटलेल्या माणसाला संकटांच्या कितीही ओझ्याखाली दाबण्याचा प्रयत्न केला तरीदेखील तो त्यातून मार्ग काढून वर येतो.
फक्त प्रेरणादायी वाक्य वाचून प्रेरणा मिळत नाही. ठरवलेले काम जेव्हा आपल्या आवडी आणि छंद याला अनुसरून असेल तर बाह्य प्रेरणेची गरज लागत नाही.
मन दिसत नाही तरीही त्याच्यामध्ये खूप सामर्थ्य आहे.
मनुष्य जन्माला येताना आंधळा, पांगळा कसाही असला तरीदेखील तो शुद्धच जन्माला येतो.
संपन्नता आणि सूफळता यामध्ये फरक आहे. संपन्न व्यक्ती सुफळ असेल असे नाही. रावणाचा संसार संपन्न होता तर संतांचा संसार सुफळ होता.
आपल्याशी सरळ संपर्क असणारे, संबंध असणारे आणि आपल्याला परिचित नसणारे या सर्वांचा देखील एकत्रितपणे आपल्या यश आणि अपयश यामध्ये हातभार असतो . त्यामुळे आपला दैनंदिन कार्यभार साधताना जी माणसे तुमच्या संपर्कात येतात, तुम्हाला भेटतात त्यांच्याशी सतत प्रेमाने आणि मैत्रीपूर्ण भावनेने वागावे.
सर्व निबंधांची यादी बघण्यासाठी येथे क्लिक करा.
1. स्वामी दयानंद सरस्वती यांच्याविषयी माहिती वाचा .
2. राजा राममोहन रॉय यांच्याविषयी माहिती वाचा .
हे वाचायला विसरू नका.
हे निबंध वाचायला विसरू नका

उपकार मराठी

Post a Comment

टिप्पणी पोस्ट करा

About Us

संपर्क फॉर्म